Health & Nutrition

ကလေးတစ်ယောက်ကိုကိုယ်ဝန်စလွယ်လိုက်ပြီဆိုတာနဲ့မိခင်ရော၊ ဖခင်ရော၊ မိသားစုဝင်တွေအားလုံး စိတ်လှုပ်ရှားပျော်ရွှင်ရပါတယ်။ တစ်ချိန်ထဲမှာ ဒီကလေးလေးကို အစွမ်းကုန်ကျန်းမာဖွံ့ဖြိုး လူလားမြောက်အောင် ဘယ်လိုပြုစုကျွေးမွေးပျိုးထောင်ရမလဲဆိုတာ သိရှိနားလည်ပြီး မှန်ကန်စွာစွမ်းဆောင်နိုင်ရေးဟာ မိခင်ရော၊ ဖခင်ရောအပေါ်မှာ တာဝန်ကြီးတစ်ရပ်ကျရောက်လာတယ်။ အဲဒီတာဝန်ကြီးထဲမှာ ကလေးကိုအောင်မြင်စွာမိခင်နို့တိုက်ကျွေးနိုင်ရေးဟာ အဓိကအခန်းကနေပါဝင်လာတယ်။ ကလေးတစ်ယောက်ကိုအာဟာရပြည့်ဝပြီး အစွမ်းကုန်ကြီးထွားဖွံ့ဖြိုး၊ လူလားမြောက်စေဖို့ မိခင်နို့ရည်ကို ဘယ်လိုမှန်ကန်စွာတိုက်ကျွေးရမယ်ဆိုတာ ကလေးပြုစုကျွေးမွေးသူအားလုံးအတွက်၊ အထူးသဖြင့် မိခင်လောင်းများအတွက် ဒီသင်တန်းကို ပြင်ဆင် တင်ဆက်ထားပါတယ်။